apple nauşnik

Question

nädip Apple nauşnikleri dogry saýlamaly? 400 manatlygam bar, 2000 manatdan ýokarylaram bar. Bahasyna seretseň gymmadynyň originaldygy düşnükli, ýöne daşyndan nädip tapawutlandyrmaly? ýa daşy, karobkasy gowy üýtgeýärmi?

nadip.info · Accepted Answer

Telefonlarda boluşy ýaly özüniň seriýa belgisi bolýar, ýöne bu belgiler hem moşennikler tarapyndan göçürlip bilinýär. Seriýa belgisi karobkasynda we nauşnikleriň gabynyň gapagynyň içinde bolýar. Karobkasynda ýüz tarapynda nauşnigiň suraty biraz öň çykan bolýar, eliňizi degirip barlanyňyzda bildirýär. Täze modellerinde açmak üçin oňaýly kagyz guýrukly plombalar bolýar. Asyl gabynyň gapagy rahat açylýar we hiç hili oýnamazdan magnit bilen berkidilýär. Gabyň üstündäki yşyk-diodly lampa arassa plastik bilen gurnalan, beýliklerde bolsa köplenç bir deşikde goýulýar. Mundan başga-da funkisionallygy bilen hem tapawutlanýar. Aýdym diňleýän bir gulagyňyzdan aýyrsaňyz awtomatiki ýagdaýda aýdym saklanýar. Telefon bilen birikdireniňizde "Apple" kompaniýanyň sistemiki sazy eşidilýär, başga sesler bolsa diýmek hakyky özi däl. Güýçli yşyk bilen gabyna seretseňiz gabyndaky magnitleri görüp bilersiňiz. Daşky sesleri gysmak funksiýasy hem göçürlen görnüşleriniňki programma bilen edilýär we doly daşky sesleri gysyp bilenok. Sazlamalardan bolsa nauşniklere basylandaky hereketleri sazlap, gulaklaryňyza laýyklygyny barlap we häzirki programma üpjünçiliginiň wersiýasyny görüp bilersiňiz.